أكبر وجع ( من تأليفى )

أكبر وجع

أكبر وجع .......لما تلاقى نفسك ضعيف
ضعيف قدام انسان زيك زيه
بكرسيه يتحكم فيك .......ويعتبرك حشرة
ويبقى معاك الحق ...وتتحاسب كمان
وبتبقى أقوى قوى ....وتلاقى نفسك مغلوب



وقتها

وقتها تلاقى الدموع ع خدودك تجرى
وتلاقى فى قلبك قهرة ..وكأنك خلاص
وتلاقى رجليك مش شيلاك وكأنك اتشليت

وتلاقى حد جنبك يقولك معلشى

هو


هو بيواسيك وواقف جنبك اه
لكن كلمته بتوجع اوى
وبتدوس ع الجرح أكتر


وتلاقى جواك احساس انك عايز تنسى
وكل ما تحاول تنسى تفتكر أكتر
وكل ما تفتكر تتوجع أكتر

ووجع ع وجع ..بيكبر
لما يوصل لأكبر وجع